بشکک ۔ 22 مئی (اے پی پی)وزیرخارجہ مخدوم شاہ ??حم??د قریشی شنگھائی تعاون تنظیم ( ایس سی او) کوں بیا فعال کرنڑ سانگے ست نکاتی ایجنڈا پیش کریندیں ہوئیں آکھیا جو ایس سی او کو ںتنازعات دے متبادل حل تے رکن ملکاں اچ اعتماد سازی نظام کوں رلاونڑ نال اپنڑے ادارہ جاتی فریم ورک اتے دائرہ کار ودھاونڑاں چاہیدے،ریاستاں دے یک طرفہ گروہی طور تے میزائل ڈیفنس سسٹم لاونڑ کوں روکنڑ اتے خلاءکوں ہتھیاراں توں پاک رکھنڑ سانگے علاقائی سطح تے گٹھ جوڑ بنڑایا ونجے، ایس سی او ڈویلپمنٹ فنڈ اتے بنک بنڑاونڑ سانگے کم کیتا ونجے اتے مقامی کرنسی اچ تجارت دی تجویز کوں چھیکڑی شکل ڈتی ونجے۔منشیات،کرپشن اتے وائٹ کالر جرم کوںمکاونڑ سانگے تعاون دا ودھ جامع بین الاقوامی فرم ورک بنڑاونڑاں چاہیدے،اساڈا پکا یقین اے جو جنوبی ایشیاءاچ پائیدار امن تے خوشحالی سانگے نیک نیتی تے سفارت کاری اتے نتیجہ ??یز مذاکرات دا عمل بہوں ضروری اے۔انہاں اے گالھیں بدھ کوں اتھاں شنگھائی تعاون تنظیم دی وزرائے خارجہ کونسل دے اجلاس نال خطاب کریندیں ہوئیں آکھی۔وزیرخارجہ ??کھیا جو پائیدار ترقی،ماحول اتے اجتماعی سلامتی تے بہبود جیہے چیلنجز دنیا اچ بہوں اہمیت گھندے پن،انہاںمسئلیاں دا حل اجتماعی کوششاں اتے تعاون نال ای تھی سگدے۔وزیرخارجہ ??کھیا جو اساں ا??سانی آبادی دا42فیصد ،کرہ ارضی دا 23فیصد رقبہ اتے عالمی مجموعی قومی ترقی دا چھوٹا حصہ 22فیصد ہن۔وزیرخارجہ ??کھیا جو شنگھائی دی روح آپسی اعتماد تے فائدے،مساوات،تنوع سانگے احترام،ترقی دی ہکوجیہی خواہش اتے گٹھ جور نال فیصلیاں دے آزمودہ اصول ہن۔وزیرخارجہ ??کھیا جو بشکک جیہے سوہنڑے شہر اچ ایس سی ??و ارکان اتے مبصرین دے رلے ہوونڑ انہاں سانگے اعزاز دی گالھ اے۔انہاں پرتپاک استقابل اتے والہانہ میزبانی تے منتظمین دا شکریہ ادا کریندیں ہوئیں چنگ داﺅ سمٹ دے بعد کرغستان کوں ایس سی او دی قیادت سنبھالنڑ اتے چنگے طریقے نال معاملیاں کوں چلاونڑ تے مبارکباد ڈتی۔ شاہ ??حم??د قریشی ’ ایس سی او دے نویںسیکریٹری جنرل ولادمیر نوروو اتے علاقائی انسداد دہشت گردی سٹرکچر دی ایگزیکٹو کمیٹی دے ڈائریکٹر جوماخون گیوسیو دے آونڑ دا خیر مقدم کریندیں ہوئیں اہم ذمہ واریاں پوری کرنڑ بارے انہاں سانگے دعا کیتی۔
،وزیرخارجہ مخدوم شاہ محمود قریشی دا شنگھائی تعاون تنظیم دی وزرائے خارجہ کونسل دے اجلاس نال خطاب
مضمون کا ماخذ : الوہا کلسٹر ادائیگی کرتا ہے۔
متعلقہ مضامین
