اسلام آباد 21 جنوري(اے پي پي) خارجه وزير شاه محمود قرېشي وئيلي دي چين به د جنورۍ تر 31مې نيټې پاكستان ته د كرونا وائرس پنځه لكه واكسين ډوزز وركوي۔ د زيارت په ورځ ميډيا سره په خبرو كښې وفاقي وزير ووئيل په دسمبر كښې زما د چين خارجه وزير سره په دې لړ كښې تفصيلي خبرې شوي او د وزيراعظم په خاص امر زما نن د (زيارت) په ورځ هم د چين خپل همڅنګ سره بيا خبرې شوي۔ ده ووئيل په قام زېرے كول غواړم چې چېن لوظ كړے چې د كرونا وائرس 5 لكه خوراكونه به پاكستان ته د جنورۍ تر 31مې نيټې ډالۍ كوٶ۔ خارجه وزير ووئيل ما د خارجه وزير مننه كولو سره خواست كړے چې په نزدې سباٶن كښې زمونږ ضرورت 1.1 مېليونه خوراكونه دې نو باور راكړے شو چې مطلوبه مقدار كښئ واكسين به د فرورۍ تر پائې پاكستان ته وركړے شي۔ ده ووئيل د كرونا وباء د چېلنج مقابله ټول قام په ګډه كړې او وزيراعظم خپله د كرونا وباء پحقله د ټولو اممو غونډو مشري كړې۔ ده ووئيل اېن سي او سي د ښه کوآرډينيشن څرګندونه كړې٬ پاكستان د اولس ځان بچ كولو سره سره چې د معيشت بچ كولو كوم كردار لوبولے د ھغې په نړيواله كچه ستائنه كېږي۔ خارجه وزير ووئيل زمونږ بل چېلنج د دې وباء په مخنيوي كښې بوخت ډاكټران٬ طبي عمله او سپين ګيرو وګړو ته تحفظ وركولو لپاره واكسين وركول وو۔ خارجه وزير واضح كړه چې كله چين د كرونا د خپرېدو لاره نيولو لپاره د اولسي خېرښګړې له مخئ نورو هېوادونو سره د مرستې پرېكړه وكړه نو د سدا بهاره استراتېژكې شراكتدارۍ له مخې ئې د ټولو نه وړاندې د پاكستان انتخاب وكړو٬ ده ووئيل په پاكستان كښې د كېن سائنو واكسين ټرائلز په كاميابۍ سره روان دے۔ مخدوم شاه محمود قرېشي ووئيل د خبرو په مهال ما د چين خپل همڅنګ خبر كړو چې پاكستان د 220 مېليونه آبادۍ هېواد دے او مونږ د دې پراخه آبادۍ له مخې د ټرائلز بشپړېدو نه پس د چين په مرسته پاكستان كښې د واكسين جوړولو اراده لرو۔ خارجه وزير شاه محمود قرېشي ووئيل د واكسين وړومبنے كهېپ به چين د خېرسګالۍ جذبې له مخې ډالۍ كوي او مونږ د خېرسګالۍ په دې جذبه د چين مننه كوٶ۔
چين به د جنورۍ تر 31مې نيټې پاكستان ته د كرونا وائرس پنځه لكه واكسين ډوزز وركوي۔ د شاه محمود قرېشي ميډيا سره خبرې
مضمون کا ماخذ : کمپیوٹر لاٹری انعامات
متعلقہ مضامین
