اسلام آباد۔10مارچ (اے پی پی):چیف آف ایئ?? اسٹاف ایئرمارشل مجاہد انور خان ٻدھ کوں وزارت سائنس و ٹیکنالوجی دا دورہ کیتا۔ ایئر مارشل مجاہد انور خان وفاقی وزیر سائنس اینڈ ٹیکنالوجی فواد چوہدری نال وی ملاقات کیتی ۔وفاقی وزیر سائنس اینڈ ٹیکنالوجی فواد چوہدری سربراہ پاک فضائیہ کوں وزارت اچ جاری منصوبیں بارے ݙسایا ۔ ائیر چیف فواد چوہدری دی سربراہی اچ وزارت سائنس اینڈ ٹیکنالوجی دی کارکردگی دی تعریف کیتی ۔ملاقات اچ ٹیکنالوجی دے شعبہ اچ پاک فضائی?? اتے وزارت سائنس و ٹیکنالوجی وچال سانجھے تعاون تے ڳالھ مہاڑ کیتی ڳئی ۔ ملاقات اچ سول،ملٹری انٹرفیس دے ودھارے تے ڳالھ کیتی ڳئی ۔ سربراہ پاک فضائیہ ایئر مارشل مجاہد انور خان ٹیکنالوجی دے شعبہ اچ سول، ملٹری تعاون دے فروغ کیتے پاک فضائیہ دے بھرپور تعاون دا یقین ݙیوایا ۔پاکستان اچ سول مقاصد کیتے ڈرون ??یکنالوجی اچ وی وزارت سائنس اینڈ ٹیکنالوجی اتے پاک فضائیہ دے اشتراک تے ڳال کیتی ڳئی ۔ وفاقی وزیر سائنس اینڈ ٹیکنالوجی فواد چوہدری زراعت دے شعبہ اچ ڈرون ??یکناکوجی دے استعمال بارے ݙسیندے ہوئیں آکھیے جو ڈرون ??یکنالوجی دے ذریعے پاکستان اچ زراعت دے شعبے اچ برق رفتار ترقی ممکن تھی سڳسی ۔ایئر چیف وزارت سائنس اینڈ ٹیکنالوجی کوں ڈرون ??یکنالوجی اچ پاک فضائیہ دی بھرپور تکنیکی معاونت دا یقین ݙیوایا۔ملاقات اچ سیکرٹری سائنس اینڈ ٹیکنالوجی ڈاکٹر ارشد محمود وی رلے ہن۔
