اسلام آباد 12 دسمبر (اے پي پي) د كورنيو چارو نګران وفاقی وزیر میر سرفراز احمد بګټی وئيلي دي د سري بيعه كښې زياتوالے او خود ساخته کمے د ذخیرہ اندوزو په وجه راغلے،حکومت په سره سبسډی د اولس لپاره وركوي د مډل مین ګټي لپاره نه، د یوریا سرې په اړه مصنوعي بحران پیدا کړے كېږي،د دې مخنيوي له چیف سیکریټریز او آئی جیز له د هغه مافیاز په ضد د كاروائۍ لپاره 24 ساعته وخت وركړے شوے،په ماضي كښې يو حکمران ترهه ګرو له ” فری رن ” وركړے چې له امله ئې نن په هېواد كښې بيا ترهه ګري پيل شوې۔ده د نهې په ورځ د نګران وفاقی وزيرانو مرتضی سولنګي ، محمد علی سره پرېس کنفرنس ته وينا كوله۔د كورنيو چارو وزير سرفراز احمد بګټی ووئيل د سرې بيعې د زياتېدو وزیراعظم نوټس اخستے او په دې اړه غونډه شوې او تر شپې مونږ په دې مشاورت كړے د كومې چې دا نتيجه رامخې ته شوې چې هېواد كښې د سرې كوم كمے نشته، كله كله داسې به كيده چې ټیکنیکل فالټ یا د ګاز په اړه د مسئلے په وجه به پیداوار ځپلے كيدو۔مونږ د ذخیرہ اندوزو په ضد كاروائي كړې او دا هرڅه سم شوي وؤ خو يو ځل بيا دغه مافیا پاکستانیانو ته د تکلیف رسولو لپاره د سرې ذخیرہ اندوزی پيل كړې چې له امله ئې د سرې كمې رامخې ته شوے او بيعې زياتې شوي، ده ووئېل د یوریا سرې مصنوعي بحران پیدا کړے شوے۔د دې مخنيوي لپاره چیف سیکریټریز او آئی جیز ته د اقدامات وئيلي شوي او د مافیاز په ضد هغوې له د كاروائي لپاره 24 ساعته وخت وركړے شوے،ده ووئېل وزیراعظم سپارښتنه كړې چې د دغې ذخیرہ اندوزو په ضد هيڅ ډول بې غوري ونه كړې شي،د قانون له مخې به سزاګانې وركولې شي او انجام ته به رسولې شي۔د يوې پوښتنې په ځواب ده ووئيل نادرا د قامی سلامتیا اداره ده،په غلا د پاکستان شناختی کارډ ترلاسه كړے شوي، دې لپاره نګران حکومت د پاك پوځ يو حاضر سروس لیفټینټ جنرل د نادرا مشر لګولے ،هغه د ډیجټیلائزیشن تجربه لري او د سکیورټی هم ، ده ووئېل كله چې حكومت دا پريكړه وكړه نو د مختلف اړخه په دې تنقید وشو خو د تقررۍ نه پس نن صورتحال ښه شوے ده ووئيل د شناخت كارډ غلا لوئي جرم دے٬ په دې كښې شامل ټول کردارونه به انجام ته رسولې شي۔د يوې پوښتنې په ځواب ده ووئيل پاکستان څخه د غیر قانوني غیر ملکیانو په انخلاء كار روان دے،يواځې په ویزہ ،پاسپورټ پاكستان ته راتلل كېد شي۔د يوې بلې پوښتنې په ځواب ده ووئيل ترهه ګري يو چیلنج دے د كومې مخنيوي له چې زمونږ وسله وال پوح، امنيتي ځواكونه او اولس لوئې قربانۍ وركړي ٬ ده ووئېل د ماضي يو حکمران ترهه ګرو له فری رن وركړے چې له امله ئې نن په هېواد كښې بيا ترهه ګري شروع شوې ده
د سري بيعه كښې زياتوالے او خود ساخته کمے د ذخیرہ اندوزو په وجه راغلے،حکومت په سره سبسډی د اولس لپاره وركوي د مډل مین ګټي لپاره نه۔ د كورنيو چارو وزیر سرفراز بګټی
مضمون کا ماخذ : لاٹری کے انعامات
متعلقہ مضامین
