اسلام آباد۔10جون(اے پی پی) د مذهبي چارو وفاقي وزير چوهدري سالك حسېن د حج انتظاماتو جاج اخستلو له سعودي عربستان ته رسېدلے دے۔ د مذهبي چارو وياند له مخې چوهدري سالك حسېن به په مكه مكرمه كښې كېدونكي حج سمپوزيم كښې د پاكستان نمائندګي كوي۔ سركاري سكيم لپاره پري حج فلائټ آپرېشن كاميابۍ سره پايې ته ورسېد۔ اسلام آباد څخه د سعودي ايئر پرواز نمبر 3727 د لارې 380 عازمین کرام جده ايئرپورټ ته ورسېدل۔ د نجي حج سكيم د لارې 70 زره عازمين كرام سعودي عربستان ته رسېدلي ٬ د راتلونكو دوه ورځو په مهال به نور 20 زره پرائيوېټ عازمين سعودي عربستان ته راورسي۔ د سعودی مکاتب د لارې په منیٰ او عرفات كښې د عازمینِ حج 5 ورځې پاتې كېدو لپاره تياريانې بشپړ كړې شوي دي۔ دوئي به منیٰ ته د 13 او 14 جون منځومانۍ شپه كښې روانېږي۔ پاكستاني حج مشن په منیٰ كښې دوئي لپاره کېمپ آفس جوړ كړے دے۔ د مذهبي چارو وزير چوهدري سالك حسېن او وفاقي سېكتر ذوالفقار حېدر به د حج آپرېشن نېغ په نېغه نګراني كوي۔
وفاقي وزير سالك حسين د حج انتظاماتو جاج اخستلو له سعودي عربستان ته ورسيد
مضمون کا ماخذ : پریمیوس لوٹومینیا
متعلقہ مضامین
