اسلام آباد۔10ستمبر(اے پی پی)وزیراعظم عمران خان صحت کارڈ کوں حکومت دا وݙا کم قرار ݙیندے آکھیے جو یونیورسل ہیلتھ کوریج حکومت دی سوچ دا عکاس اے جیندے تے عمل کیتے وفاقی اتے صوبائی سطح تے خصوصی سیل ٻݨایا ویسی۔ او پنجاب اچ صحت کارڈ ݙیوݨ بارے جائزہ اجلاس دی اڳ??اݨی کریندے پئے ہن۔ اجلاس اچ وزی?? اعظم دے معاون خصوصی ڈاکٹر فیصل سلطان، ڈاکٹر شہباز گل، وزیر صحت پنجاب ڈاکٹر یاسمین راشد، وزیر صحت/ خزانہ خیبر پختونخوا تیمور سلیم جھگڑا اتے ٻئے سینئر افسران شرکت کیتی۔ ݙسایا ڳئے جو پنجاب دے 36 اضلاع اچ تقریباً 4 کروڑصحت کارڈ 31 دسمبر توں ونݙیسن اتے آندے سال مارچ تئین اے کم پورا تھی ویسی جیندے کیتے عوامی آگاہی مہم وی چلائی ویسی۔ وزی?? اعظم منصوبے تے عملدرآمد کیتے سارے وسائل لاوم دی ہدایت کیتی جو لوکاں کوں صحت دے شبے اچ ودھ ریلیف تیکھے ملݨا چاہیدے، جو انہاں کوں ویلھے تے معیاری صحت دیاں سہولتاں ملن، ایندے نال معاشرے دے غریب اتے کمزور طبقات کوں سوکھ ملسی۔ انہاں ہدایت کیتی جو صحت کارڈ توں فیدہ چاوݨ آلیاں کیتے ” فیڈ بیک نظام ” ٻݨایا ونڄے جو ایں سہولت کوں ٻیا سوکھا اتے معیاری ٻݨایا ونڄے۔
وزیراعظم عمران خان دی اڳواݨی اچ پنجاب اچ صحت کارڈ بارے جائزہ اجلاس
مضمون کا ماخذ : sorteos میگا سینا
متعلقہ مضامین
