اسلام آباد۔20اکتوبر(اے پی پی) وزيراعظم شهباز شريف د خېبرپښتونخوا او پنجاب حکومتونو ته د اعلی معيار تخمونو وېش وفاقي پروګرام كښې د شاملېدو خواست كولو سره وئيلي چې دا بايد سياسي مسئله جوړه نه كړې شي٬ پاكستان زمونږ د ټولو دے ٬ ذاتي خوښې او ګټو نه لرې پاتې كېدو سره د سېلاب ځپليو لپاره بايد كار وكړې شي٬ وفاقي حكومت به كومې نجي څانګې ته كله هم د غنمو درآمد كولو اجازه ورنكړي٬ په دې سختو حالاتو كښې به چاته د غېر قانوني ګټې ترلاسه كولو يا په اولس د بوج اچولو اجازه ورنكړؤ۔ ده د زيارت په ورځ په خپله مشرۍ كښې نېشنل فلډ رېسپانس اېنډ کوآرډینېشن سېنټر كښې د جاج اخستو غونډې ته خطاب كولو۔ په دې موقعه وفاقي وزيران احسن اقبال، طارق بشیر چیمه، ایاز صادق ، شیری رحمن او د خرم دستګير سره د اېن ډي اېم اے ٬ اېن اېف آر سي سي او نور اعلی صوبائي چارواكي هم موجود وو۔ وزیراعظم ووئيل د سېلاب ځپليو مرستې ٬ بحالۍ او بيا روغونې كار كښې بايد مونږ سياست څخه ډډه وكړؤ۔ ده ووئيل وفاقي حكومت د سېلاب ځپليو بحالۍ او مرستې له په زړه پورې كار كړے دے۔ تر دې دمه 66 اربه روپۍ د سېلاب ځپليو ترمينځه وېشلې شوې دي۔ يو لك 10 زره كورنيو ته به دا رقم ډېر زر منتقل كړې شي۔ وفاقی حکومت څلورو واړو صوبو ٬ ګلګت بلتستان او آزاد كشمير كښې ټولو ځپليو لپاره د مرستې اقدامات كړي دي او د كومو كورنيو كسان چې د سېلاب د لاسه مړه شوي دي هغوي ته يۍ سړي سره د 10 لكه روپو پېكج وركړے دے۔ د سېلاب د لاسه تر دې دمه 1700 كسان مړه شوي دي۔ اېن ډي اېم اے په سپېځلي ډول دا رقم وېشلے دے۔ په دې برخه كښې د وفاقي حكومت لخوا تر دې دمه 88 كروړه روپۍ وېشلې شوي دي۔ ده ووئيل د بهر هېوادونو څخه چې كومه مرسته ترلاسه شوې هغه مو اېن ډي اېم اے سره په ګډه په ټولو صوبو كښې سېلاب ځپليو ته رسولې ده۔ ده ووئيل د چين لخوا يخنۍ لپاره ونټر ټېنټس رالېږلې شي هغه به هم په ټولو ځپليو سيمو كښې د ضرورت له مخې وېشلې شي۔ وزیراعظم ووئيل د وفاقي حكومت لخوا د غنمو كر لپاره وفاقي وزيرانو طارق بشیر چیمه او احسن اقبال صوبو سره په ففټي ففټي بنياد د تخم رسولو منصوبه جوړه كړې ده كومه به چې د اېن ډي اېم اے د لارې پايې ته رسولې شي۔ ده ووئيل راروان فصل لپاره به د اعلی معيار تخم ترلاسه كولې شي۔ سندھ او بلوچستان په دې لړ كښې كار كوي ولې د خېبر پختونخوا او پنجاب صوبائي حكومت زمونږ د خواست باوجود په دې منصوبه كښې شاملېدو څخه انكار كړے دے او ځواب يۍ راكړې چې مونږ تخم ته اړتيا نه لرؤ۔ ده ووئيل پاكستان زمونږ د ټولو دے ٬ ذاتي خوښې او ګټو نه لرې پاتې كېدو سره د سېلاب ځپليو لپاره بايد كار وكړې شي۔ ده ووئيل د بي آئي اېس پي لاندې 70 اربه روپۍ وېشل دي٬ د خېمو مچھر دانو او اوبو په شمول د اربونو روپو سامان په سپېځلي ډول ټولو ځپلو سيمو ته لېږلې شوې دې۔ ده ووئيل د سېلاب د لاسه چې كومه تباهي رامخې ته شوې داسې مو كله ليدلې نه ده۔ ده ووئيل تېره ورځ ما د صحبت پور دوره وكړه دغلته اوس هم اوبه ولاړې دي۔ وړاندې د سېلابونو او اوس د ولاړو اوبو دلاسه رنځونه خپرېږي۔ ده ووئيل د تېر كال په مهال چې د غنمو كوم قلت رامخې ته شوې هغه به هم پوره كړې شي ٬ حكومت يو شمېر لكه ټن غنم درآمد كړې دي٬ د سېلاب د لاسه مونږ د غنمو د پېداوار هدف ترلاسه كولې نه شؤ۔ وزيراعظم په ډاګه كړه چې نجي څانګې ته به د غنمو د درآمد كولو اجازه وركولې نه شي۔ وزیراعظم ووئيل نجي څانګې ته په عامو حالاتو كښې د غنمو درآمد كولو اجازه وركولې كېدې شي خو په دې صورتحال كښې مونږ چا ته د غېر قانوني ګټې ترلاسه كولو او په اولس د زيات بوج اچولو اجازه وركولې نه شؤ۔
خېبرپښتونخوا او پنجاب دې د اعلی معيار تخمونو وېش وفاقي پروګرام كښې شامل شي٬ وزيراعظم
مضمون کا ماخذ : خیبر پختونخوا لاٹری
متعلقہ مضامین
.jpg)
.jpg)
