سرگودھا۔21 جون(اے پی پی )وفاقی پارلیمانی سیکرٹری بیرسٹر محسن شاہنواز رانجھا آکھیا اے جو مسلم لیگ ن دی حکومت کوں غریباں دی خدمت کرنڑ توں کوئی نی روک سگدا ۔انہاں خیالاں دا اظہار انہاںگزریل ڈینھ حلقہ این اے 65دے 37مستحقین وچ پاکستان بیت المال ولں ڈتی گئی امدادی رقم دے چیک تقسیم کرنڑ دی تقریب وچ کیتا ۔انہاں آّکھیا جو حکومت غریباں دی فلاح تے بہبود سانگے سنجیدہ نوعیت دے اقدامات کریندی پئی ہے۔ پاکستان بیت المال دا بجٹ ودھا تے 4ارب روپے کرڈتاگئے جیندے نال غریباں کوں ریلیف ملسی۔ایں طرح بے نظیر انکم سپورٹ پروگرام دی رقم وی ودھا تے 120ارب روپے کر ڈتی گئی ہے جیندے نال فی کس خاندان کوں 18ہزار8سو روپے دی امدادی رقم ڈتی ویسی۔ ایں موقع تے این اے 65دے 37مستحقین وچ3لکھ70ہزار روپے دے امدادی چیک وی تقسیم کیتے گئے ۔
مضمون کا ماخذ : بڑا برا بھیڑیا۔
