کراچی ۔ 9اگست (اے پی پی) وزیراعلیٰ سندھ سید مراد علی شاہ کوئٹہ دھماکے دے پیش نظر پورے صوبے خاص طور تے کراچی وچ امن و امان دی مجموعی صورتحال دا جائزہ گھننڑسانگے اجلاس سڈیا اتے پولیس کو ںہدایت کیتی جواوہ الرٹ راہون اتے اپنڑی پوزیشن کوں مستحکم کرن۔منگل کوں جاری کردہ اعلامیے دے مطابق اجلاس وچ صوبائی مشیر برائے اطلاعات مولابخش چانڈیو، مرتضیٰ وہاب، چیف سیکریٹری سندھ محمد صدیق میمن، آئی جی پولیس اے ڈی خواجہ، ایڈیشنل آئی جی کراچی مشتاق مہر، ایڈیشنل آئی جی سی ٹی ڈی ثناءاﷲ عباسی، سیکریٹری داخلہ، کمشنر کراچی اعجاز علی خان، سیکرٹریٹ ایجنسیز دے سربراہاں، رینجرز دے نمائندیں اتے شہر دے سارے ڈی آئی جیز شرکت کیتی۔ وزیراعلیٰ سندھ آکھیا جو آزادی دے ڈینھ دے حوالے نال پورے ملک وچ تقریبات داآغازتھی گئے، لہذا سیکیورٹی دے خصوصی انتظامات کیتے ونجن تاں جو شہری آزادی نال تقریباں وچ شرکت کرسگن۔ آئی جی پولیس، رینجرز اتے بئےاںایجنسیاںاپنڑے انٹیلیجنس نیٹ ورک دی بنیاد تے اپنڑی رپورٹس پیش کیتیاں۔ وزیراعلیٰ سندھ کجھ پالیسی فیصلے کیتے اتے آئی جی پولیس سندھ کوں انہاں تے عملدرآمد سانگے آکھیا ۔ وزیراعلیٰ سندھ آئی جی پولیس کوں ہدایت کیتی جو ا وہ سارے اہم جہیں تے سیکیورٹی کوں مستحکم کرن اتے شہر تے پورے صوبے وچ اسنیپ چیکنگ داآغاز کیتا ونجے جائے۔ اجلاس وچ فیصلہ کیتا گیا جو ساریاں ایجنسیاں وچال باہمی رابطے تھیونڑ چاہیدن تاں جو مربوط اتے جامع سیکیورٹی دا جال وچھایا ونج سگے ۔
آزادی دے ڈینھ دے حوالے نال سیکورٹی دے خصوصی انتظامات کیتے ونجن، وزیراعلیٰ سندھ دا امن وامان دے حوالے نال منعقدہ اجلاس نال خطاب
مضمون کا ماخذ : شریر چڑیل
متعلقہ مضامین
