اسلام آباد 22 اګست (اے پي پي) وزيراعظم محمد شهباز شريف د سېلاب له امله ځپليو سيمو كښې د مرستې كاروائيو لا تندولو سره وئېلي دي ځپيلو ته دې خيمې٬د خوراك او څښاك څيزونه او پاكې اوبه وركړی شي۔ده دا خبرې د ګل په ورځ په بلوچستان كښې د اوسنيو بارانونو په نتيجه كښې د سېلاب د صورتحال تفصيلي جاج اخستو لپاره جوړې شوې غونډې ته په خپله وېنا كښې وكړې۔د وزيراعظم دفتر د مېډيا څانګې لخوا په جاري شوي بيان كښې وئېلې شوي وزيراعظم په ځپليو سيمو كښې د مرستې روانې چارې لا ګړندې كولو او موثر كولو هدايت وكړو ۔ده په سېلاب كښې د ګيرو خلق په سمدستي توګه محفوظو ځايونو ته د منتقل كولو هدايت هم وكړو۔وزيراعظم حكم وكړو چې ځپيلو ته دې خيمې٬د خوراك او څښاك څيزونه او پاكې اوبه وركړی شي او ځپليو ته دې په سمدستي توګه 25 زره روپۍ د يوې كورنۍ په سر وركړې شي۔ده ووئيل د سېلاب ځپليو په مرسته كښې كوم بې غوري يا تعطل به په هېڅ صورت برداشت نه كړے شي ۔ده هدايت وكړو چې د شريكې سروے تر ترسره كېدو او تر مكمل بحالۍ دې د سېلاب ځپليو په سمدستي مرسته كښې هېڅ ډول بې غوري ونه كړې شي۔وزيراعظم پي ډي اېم اے٬اېن ډي اېم اے٬د بلوچستان حكومت او د منصوبه بندۍ وزارت ته په بېړنۍ توګه د اقدامات كولو هدايت هم وكړو۔بل خوا وزيراعظم محمد شهباز شريف سره د بلوچستان وزيراعلٰی مير عبدالقدوس بزنجو ملاقات كړے او وزيراعظم يې د سېلاب د زيان او د رېسكيو او رېليف آپرېشن څخه په تفصيلي توګه خبر كړے۔د ملاقات په مهال د منصوبه بندۍ او پرمختګ وفاقي وزير احسن اقبال او د اقتصادي چارو وفاقي وزير سردار اياز صادق او اړوند اعلٰی چارواكي هم موجود وو۔
وزيراعظم محمد شهباز شريف د سېلاب له امله ځپلو سيمو كښې د مرستې كاروائيو لا تندولو سپارشتنه وكړه ٬ځپيلو ته دې خيمې٬د خوراك او څښاك څيزونه او پاكې اوبه وركړی شي۔وزيراعظم
مضمون کا ماخذ : ہاٹ اسپن
متعلقہ مضامین
.jpg)
