اسلام آباد۔12مارچ (اے پی پی)د منصوبه بندۍ، پرمختګ ، اصلاحات اوخاص اقدامات وفافي وزير احسن اقبال وئېلي دي د پاکستان تل پاتي پرمختګ كړي هېواد جوړولو لپاره به كوټلي اقدامات کوو ، په راروانو پينځو كلونو كښې د ترقۍ د بنياد تيګه كېدو، د سیاست لپاره به چا له د اړي ګړي جوړولو اجازه ورنه كړو۔ د دې خیالاتو څرګندونه ده د نهې په ورځ پریس کانفرنس ته خطاب كښې وكړه ۔وفاقي وزیر ووئېل د سیاسي استحکام نه بغیر پرمختګ ممكن نه دے، د اللہ شکر ادا کوم ، زما لپاره د درناوي خبره ده چې په څلورم ځل د منصوبه بندۍ وزير جوړ شوم ،هر ځل مې په دې وزارت كښې كار كړے خو سیاسي اړي ګړي منصوبو ته زيان ورسوو ،د سیاسي استحکام او پالیسيو تر تسلسل مونږ پرمختګ نشو كولے ، ده وئېل چین بنګله دیش، هند او ترکیه كښې سیاسی استحکام مهم کردار ادا کړے ۔احسن اقبال ووئېل پاکستان تل پاتي پرمختګ كړے هېواد جوړولو لپاره به كوټلي اقدامات کوو جې ورسره به نوکرۍ راپیدا شي ،د پیداوار هغه وسيلې كوم چې مضبوطې ګڼړلې شوې او د هغې ځائے د ټیکنالوجۍ څانګو واغست ، ده ووئېل مونږ د چین په سي پیک اعتماد بيا بحال كړے ۔ ده ووئېل د پنشن، دفاعي بجټ په سبب زمونږ بجټ په پور چلېږي ۔ مونږ د نور پور په اغستلو خپل خرڅونه تر سره كوو كوم چې د منلو وړ نه دي ، ده ووئېل د پور ستنولو لپاره به پیداواري صلاحیتونه زياتول وي ، ده ووئېل د پاکستان د ترقۍ تقاضۍ به پورا کوو ۔ ده ووئېل په حکومتي خرڅونو كښې به کفایت شعاري راولو ، د هېواد په معیشت تر ټولو زيات بوجھ د پورونو پروت دے ، يواځې د پنشن بوجھ 800 اربه دے ۔ ده ووئېل زمونږ د ټېرو 50 كلونو تاريخ د سیاسي عدم استحکام نه ډك دے ،مونږ به فائیو ایز پالیسي مخ په وړاندې بوځوو ، په اعتماد کولو د وزیراعظم شهباز شریف مننه كوم، ده ووئېل مونږ له نړيوال مسابقت له ټیکنالوجي د اختیارولو ضرورت دے ، د سي پیک فیز ټو ډېر مهم دے ،چین به په دويم پراؤ كښې زمونږ معاشي پرمختګ له مرسته كوي ، ده ووئېل چین په وړومبر فیز كښې 25 ارب ډالره سرمایه کاري كړې ۔ ده ووئېل چې كله په اپریل 2022 كښې مونږ حکومت تر لاسه كړو په هغه وخت سي پیک په عملي توګه بند شوے ؤ ،د تېرو 16 مياشتو حكومت په مهال د جے سي سي دوه غونډې شوي خو اوس مونږ د سي پيك ټو پېل كولو لپاره چمتو يو۔وفاقي وزیر ووئېل دا وخت بجټ په پور اغستو چلېږي ،د پور ستنولو لپاره 7500 اربه روپۍ په پور پكار دي ، د هېواد د ټیکس تر لاسه كولو هدف 7 زره اربه روپۍ دے ،مونږ له په قرض كار چلول وي۔ ده ووئېل د پخواني حکومت نالائقۍ په سبب د قرض بوجھ 80 فیصد زيات شوے ، زراعت صنعتي څانګه او د آئي ټي څانګې بحالۍ ته ضرورت دے ،د 30 ارب ډالرو برآمدات تر 100 ارب ډالرو رسول دي او دا كار په راروانو 7 كالو كښې به كول وي ، ده ووئېل حکومت د نجي شعبې د بحالۍ لپاره به اقدامات كوي ،
راروانو 5 كلونو كښې به د ترقۍ د بنياد تيګه كېدو، سیاست لپاره به د اړي ګري جوړولو چا له اجازه ورنه كړو ، احسن اقبال
مضمون کا ماخذ : aplicativos de apostas loteria
متعلقہ مضامین
