اسلام آباد 15دسمبر(اے پی پی)د اطلاعات٬خپرونو او پارليماني چارو نګران وفاقي وزير مرتضٰی سولنګي وئېلي دي د ډسټركټ ريټرننګ افسرانو د تعيناتۍ اختيار الېكشن كمېشن سره دے٬ الېكشن كمېشن به د آئين او قانون په رڼا كښې د خپلې تګلارې اعلان كوي٬مونږ د الېكشن كمېشن څخه نه تپوس كولې شو او نه د هغه نګراني٬په حقيقت كښې الېكشن كمېشن د نګران حكومت نګراني كوي۔د جمعې په ورځ د الېكشن كمېشن په خوا كښې مېډيا سره په خبرو كښې د اطلاعات او خپرونو نګران وفاقي وزير ووئيل د آئين آرټيكل 218(3)له مخې په هېواد كښې د ټاكنو كولو ذمه واري د آئين ادارې الېكشن كمېشن آف پاكستان ده۔ده ووئيل كه څوك د الېكشن كمېشن څخه ګيله لري نو هغه الېكشن كمېشن سره رابطه كولې شي۔د يوې پوښتنې په ځواب كښې ده ووئيل د ډسټركټ ريټرننګ افسرانو د تعيناتۍ اختيار حكومت سره نه بلكې الېكشن كمېشن سره دے٬د ريټرننګ افسرانو تعيناتۍ په اړه الېكشن كمېشن وئېلې شي٬حكومت سره دا ډول تعيناتۍ كوم اختيار نشته۔د يوې پوښتنې په ځواب كښې ده ووئيل د پاكستان دننه آئيني حكومت موجود دے٬مونږ د آئيني عمل پیداوار يو٬د آئين آرټيكل 19 او 19 اے له مخې هر يو كس د رائے د اظهار حق ترلاسه دے٬مېډيا آزاد ده٬په دې كوم ډول بندېز نشته۔د يوې پوښتنې په ځواب كښې ده ووئيل ټولو رجسټرډ ګوندونو ته يو ډول موقع وركوو٬ د سياسي ګوندونو لارښودو ته د تنقيد حق ترلاسه دے
د ډسټركټ ريټرننګ افسرانو د تعيناتۍ اختيار الېكشن كمېشن سره دے٬الېكشن كمېشن به د آئين او قانون په رڼا كښې خپله تګلاره اعلانوي۔د اطلاعات او خپرونو نګران وفاقي وزير مرتضٰی سولنګي
مضمون کا ماخذ : لاٹری کے اعدادوشمار
متعلقہ مضامین
