اسلام آباد۔29ستمبر(اے پی پی) وفاقی وزیر داخلہ محسن نق??ی نال چینی قونصل جنرل ژاؤ شیرین ملاقات کیتی تے چین دے قومی ݙینھ دی مبارخ ݙتی ۔ملاقات اچ محسن نقوی صدر شی جن پنگ دی قیادت اچ چین دی ترقی دی تعریف کریندے آکھیے چین ترقی دے نویں سنگ میل پ??ر کیتن ، انھاں چین کوں پاکستان دا ساریں توں قابل اعتماد تے مخلص دوست قرار ݙیندے ݙوہیں ملکاں وچال پائیدار تعلقات دے ودھارے تے مزید زور ݙتا ۔وزیر داخلہ چین دی تکھی رفتار ترقی کوں دنیا سانڳے ھک ماڈل دے طور تے اجاگر کریندے آکھیے چین پاکستان دی معیشت مستحکم کرݨ اچ تاریخی کردار نبھائے ۔محسن نقوی مزید آکھیے پاکستان کوں چین نال آپݨی لازوال دوستی تے ماݨ اے ، جیڑھا چین پاکستان اقتصادی راہداری (سی پیک)دے ذریعے اُتے پڄی اے ، انھاں آکھیے پاک چین دوستی ہمیشہ تکڑی رہسی ۔ ملاقات اچ قونصل جنرل ژاؤ شیریں پاکستان اچ چینی تاج??اں دی درخواستاں دی بنیاد تے وزارت داخلہ دی طرفوں کیتی ڳئ?? کجھ ترامیم تے وفاقی وزیرنال اظہار تشکر وی کیتا۔انھاں پاکستان کوں چین دا بہترین دوست آکھ تے تشکر کیتے تے ایں ڳالھ دا اعادہ کیتے جو ݙوہیں ملکاں دا تعاون جاری رہسی ۔ ملاقات اچ چینی قونصل خانے دے سینئر حکام وی موجود ہن، فریقین سانجھی دلچسپی دے امور تے ݙوپاسے تعلقات کوں مزید ودھارا ݙیوݨ تے ڳالھ مہاڑ کیتی۔
