اسلام آباد۔22نومبر(اے پی پی) وزیراعظم محمد شہباز شریف انفارمیشن ٹیکنالوجی برآمدات کوں 25 ارب ڈالر تئیں پڄاوݨ سانڳے لائحہ عمل دی تعریف کریندے ہدایت کیتی جو ہائر ایجوکیشن کمیشن نینگراں کوں بین الاقوامی معیار دی تعلیم و تربیت ݙیوݨ سانڳے لائحہ عمل تیار کرے اتے سارے متعلقہ ادارے ایں حوالے نال رل تے کم کرن ۔ وزیراعظم دفتر دے میڈیا ونگ توں جاری بیان موجب اے ڳالھ وزیراعظم آپݨی صدارت اچ آئی ٹی شعب?? دی اصلاحات تے جائزہ اجلاس اچ آکھی ۔اجلاس اچ وفاقی وزیر اقتصادی امور احد خان چیمہ، وزیرِ مملکت انفارمیشن ٹیکنالوجی شزہ فاطمہ خواجہ اتے متعلقہ اعلیٰ حکام شرکت کیتی۔اجلاس کوں آئی ٹی شعب?? دی برآمدات 25 ارب ڈالر تئیں پڄاوݨ سانڳے ہر شعب?? دی استعداد دا ݙسایا ڳئے ۔ وزیرِ اعظم دی آئی ٹی شعبے کوں ترجیح بݨاوݨ دے ویژن دے نتیجے اچ گزریل چار مہینے اچ آئی ٹی شعب?? دی برآمدات اچ 34 فیصد ودھارا تھئے ۔ اجلاس کوں ݙسایا ڳئے ای گورننس دے حوالے نال پاکستان عالمی رینکنگ اچ 14 درجے بہتر تھئے، 2500 نویاں آئی کمپنیاں رجسٹر تھئن جݙ??ں جو پاکستان دی آئی ٹی رینکنگ 79 توں بہتر تھی تے 40 تھی ڳئی اے ۔ اجلاس کوں ݙسایا ڳئے آندے پنج سال اچ آئی ٹی شعب?? دی برآمدات دے حوالے نال 15 ارب ڈالر، ٹیلی کام برآمدات توں 1 ارب ڈالر جݙ??ں جو ڈیجیٹائیزیشن توں 10 ارب ڈالر گھنݨ دا ہدفت رکھیا ڳئے ۔ اجلاس کوں آئی ٹی شعب?? دی برآمدات دی موجودہ صورتحال دا ݙسایا ڳئے ، مجوزہ لیبر مینجمنٹ سسٹم تے وی بریفنگ ݙتی ڳئی جیں دے تحت صنعتاں توں طلب دا ڈیٹا استعمال کرݨ دے بعد تعلیمی اداریں دے تعاون نال افرادی قوت دی استعداد ودھا تے روزگار ݙیوݨ یقینی بݨایا ویسی ۔ اجلاس کوں آئی ٹی شعبے اچ کم کرݨ آلے نینگراں بالخصوص فری لانسرز کوں ترسیلات زر اچ سہولت سانڳے مجوزہ منصوبے دے حوالے نال ݙسایا ڳئے ۔ وزیراعظم آکھیے پاکستان کنے باصلاحیت افرادی قوت اتے وسائل گھٹ کائنی ۔ وسائل دے چنڳے استعمال اتے افرادی قوت کوں تعلیم و تربیت دے ذریعے پاکستان دی آئی ٹی برآمدات 25 ارب ڈالرتوں وی ودھ سڳدن ۔وزیراعظم ہدایت کیتی جو آئی ٹی شعب?? دی اصلاحات دا پیش کیتا ڳیا لائحہ عمل بہترین اے، ہݨ ایں تے عملدرآمد یقینی بݨاؤ۔ آئی ٹی برآمدات اچ ودھارے سانڳے پیش کیتیاں ڳیاں اصلاحات دے رستے اچ چیلنجز نال نبݨݨ سانڳے سارے ادارے رل تے تعاون کرن ۔وزیراعظم آکھیے آئی ٹی شعب?? دی اصلاحات تے عملدرآمد دی میں خود نگرانی کریساں ۔وزیراعظم ہدایت کیتی جو پاکستان?? نینگراں کوں بین الاقوامی معیار کدی تعلیم و تربیت اتے ہنر ݙیوݨ سانڳے ہائر ایجوکیشن کمیشن ھک لائحہ عمل تیار کرے۔پاکستانی آئی ٹی ماہرین دی خلیجی ملکاں اچ طلب موجود اے، ایں حوالے نال وی تجویزاں تے عمل کیتا ونڄے وزیرِاعظم آئی ٹی برآمدات ودھاوݨ سانڳے واضح اہداف وضع کرݨ تے ہر اقدام دے حوالے نال مدت دے تعین دی ہدایت کیتی۔ وزیرِاعظم آئی ٹی شعب?? دی اصلاحات دے نفاذ اتے مختلف ا??اریں نال تعاون دے ودھارے سانڳے کمیٹی بݨاوݨ دی ہدایت کیتی ۔وزیرِاعظم بین الاقوامی پیمنٹ گیٹ ویز دے حوالے نال ایں اقدام کوں چنڳاں قرار ݙیندے ایں تے وختی عمل درآمد دی ہدایات جاری کیتیاں ۔ اجلاس کوں ٹیلی کام شعبے دے حوالے نال اصلاحات دا وی ݙسایا ڳئے ۔وزیرِ اعظم آئی ٹی شعب?? دی برآمدات اچ ودھارے دے لائحہ عمل تے اطمینان دا اظہا?? کیتے، وزیرِ مملکت انفارمیشن ٹیکنالوجی اتے انھاں دی ٹیم دیاں کوششاں دی تعریف کیتی ۔ وزیرِاعظم متعین مدت اچ ایں تے عمل کرݨ دی ہدایت وی جاری کیتی۔
ہائرایجوکیشن کمیشن نینگراں دی بین الاقوامی معیار دی تعلیم و تربیت سانڳے لائحہ عمل تیار کرے ، وزیراعظم شہبازشریف
مضمون کا ماخذ : لوٹیریا وفاقی
متعلقہ مضامین
