اسلام آباد 26 اکتوبر (اے پي پي) د قومي اسمبلۍ سپيكر اسد قېصر وئيلي دي چې په كشمير د هندي ځواكونو عاصبانه قبضه د تاريخ تور باب دے٬ د كشمير مسئله فلېش پوائنټ دے٬ دا نه يوازې منطقې بلكې د ټولې نړۍ امن لپاره يو دائمي خطر دے٬ نړيواله ټوله دې د دې مسئلې سمدستي حل او په كشميريانو د هند ځواكونو ظلم او د بشري حقونو څخه د سرغړونو خاتمې لپاره خپل كردار ترسره كړي۔ ده دا خبرې په مقبوضه كشميړ كښې د انسانيت سوز سلوك په ضد د تورې ورځې په موقع په خپل پېغام كښې وكړې كومه چې هر كال د اكتوبر په 27مه نېټه د هندي ځواكونو د عاصبانه قبضې په ضد د احتجاج په توګه په ټوله نړۍ كښې لمانځلې شي۔ كشميري اولس سره د يووالي څرګندونه كولو سره سپيكر ووئيل چې كشميري اولس سره زمونږ نه يوازې د مذهب٬ تهذيب او انساني بنيادونو رشته ده بلكې د پولې په دواړو غاړو د وينې رشته ده۔ ده ووئيل چې پاكستان د ملګرو ملتونو د سلامتي كونسل د قراردادونو له مخې د كشمير اولس د هيلو له مخې د كشمير مسئلې سوله ايز حل لپاره پوخ عزم لري۔ ده كشميري اولس ته د پاكستان لخوا د دوي د سياسي٬ سفارتي او اخلاقي ملاتړ كولو باور وركړو۔ ده ووئيل چې ملګري ملتونه او د بشري حقونو ډلې دې د كشمير مسئله د ملګرو ملتونو د قراردادونو او د كشميري اولس د هيلو له مخې حل كولو لپاره خپل كردار ترسره كړي۔
د قومي اسمبلۍ سپيكر اسد قېصر د كشمير تورې ورځې په موقع پېغام
مضمون کا ماخذ : جنگل وائلڈ
متعلقہ مضامین
