اسلام آباد30 نومبر(اے پی پی)د تعليم وفاقي وزير شفقت محمود وئېلي دي تعليم ترلاسه كول د ټولنې لپاره ډېر ضرورې دے خو زده كوونكو لپاره لوبې او صحت مندې جسماني هلې ځلې هم ضروري دي۔ده د خيالاتو څرګندونه د نهې په ورځ د آل پاكستان انټر بورډ سپورټس ګالا پرانستې دستورې ته د وېنا كولو په مهال وكړه۔وفاقي وزير شفقت محمود ووئيل زه د هر يو هغه كس تعريف كوم چا چې د دې ايونټ په منصوبه بندۍ كښې مرسته كړې او زه د هغه د مور او پلار تعريف كوم چا چې خپل بچي د لوبو په ايونټ كښې د ګډون كولو لپاره رالېږلي۔ده ووئيل مونږ د كووېډ وبا په مهال يو مشكل وخت ليدلے ځكه چې د وائرس خپرېدو په سوب ټولې تعليمي او د لوبو ھلې ځلې اودرولې وې۔ده ووئيل د كووېډ په مهال سكولونه كله پرانستلې او كله بند كړے شوي ۔ده ووئيل ځينې زده كوونكي د سكول په بندېدو خوشحاله وو او ځينې خفه وو۔ده ووئيل يو تعليم يافته طبقه په ذكر وړ طريقو د قام لارښوونه كولې شي۔شفقت محمود ووئيل د لوي څښتن په فضل به سكولونه او امتحانات د كوم ځڼډ نه غېر روان وي۔د مردان بورډ چيئرمېن امتياز علي په دې مهال ووئيل دې مقابلو سره زده كوونكو ته د خپلو صلاحيتونو رامخې ته كولو موقع ترلاسه كېږي او په اعلٰی كچ د ټېلنټ لټون له مرسته ترلاسه كېږي۔په دې موقع د پاكستان سپورټس بورډ ډائرېكټر جنرل كرنل(ر)محمد آصف زمان او نور چارواكي هم موجود وو۔
زده كوونكو لپاره د لوبو هلې ځلې ضروري دي۔د تعليم وفاقي وزير شفقت محمود د آل پاكستان انټر بورډ سپورټس ګالا پرانستې دستورې ته وېنا
متعلقہ مضامین
