گلگت۔6نومبر(اے پی پی) وزیراعظم محمد شہباز شریف گلگت بلتستان سانڳے 100 میگاواٹ بجلی وختی ݙیوݨ تے بلتستان یونیورسٹی اتے ??راقرم یونیورسٹی دے باصلاحیت طالبیں سانڳے میرٹ تے 1 ارب روپے دے انڈوومنٹ فنڈ دے قیام دا اعلان کریندے آکھیے گلگت بلتستان، خیبرپختونخوا بشمول سابق فاٹا دے ضم ضلعیں تے بلوچستان دی ترقی اتے عوام دی فلاح و بہبود تے ساݙی پوری طرح توجہ اے ۔ وزیراعظم دفتر دے میڈیا ونگ توں جاری بیان موجب وزیراعظم محمد شہباز شریف دی صدارت اچ گلگت بلتستان دی کابینہ دا خصوصی اجلاس تھئے ۔ وزیراعظم ضلع غذر دی وستی بوبراچ 2022 دے چھل متاثرین سانڳے خصوصی طور تے بݨائے ڳئے مکاناں دی وختی تکمیل اتے انھاں گھراں دے اعلیٰ معیار تے اطمینان کریندے آکھیے بوبر گائوں اچ نویں تیار گھراں کوں ݙیکھ تے ??ہوں خوشی تھئی اے ۔ وزیراعظم گلگت بلتستان دی انتظامیہ کوں ضلع غذر اچ تعلیمی اداریں، کھیݙ دے میداناں، بجلی ݙیوݨ تے ??یاں سہولتاں ݙیوݨ دی ہدایت کیتی ۔ انھاں آکھیے گلگت بلتستان سانڳے 100 میگاواٹ بجلی وختی ݙیوݨ تے بلتستان یونیورسٹی اتے ??راقرم یونیورسٹی دے باصلاحیت طالبیں سانڳے میرٹ دی بنیاد تے 1 ارب روپے دے انڈوومنٹ فنڈ دے قیام دا اعلان کیتے۔ وزیراعظم آکھیے پنجاب دی طرز تے گلگت بلتستان دے شعبہ تعلیم دی ترقی سانڳے دانش سکول متعارف کرویندے پیوں، وفاقی حکومت گلگت بلتستان دی عوام دی فلاح و بہبود سانڳے ݙینھ رات سرگرم عمل اے۔ انہاں آکھیے ماضی اچ بطور وزیر ??علیٰ پنجاب گلگت بلتستان دے شعبہ تعلیم کوں تحفتاً 1 ارب روپے ݙتے ہن ۔گلگت بلتستان دے سارے شعبیں دی ترقی ساݙی اولین ترجیحات اچ شامل اے۔ وزیراعظم شہباز شریف آکھیے اڄوکے معاشی استحکام اچ وفاقی حکومت نال سارے صوبیں دا تعاون انتہائی اہم رہیے۔ انہاں آکھیے سٹاک ایکسچینج 92 ہزار دی تاریخی سطح عبور کر چکے، ملکی ترسیلات زر، ٹیکس فائلرز دی تعداد اچ ودھارے تے ??ہانگ اچ کمی ملکی معیشت سانڳے خوش آئند اے، ملکی ترقی دے سفر اچ سارے صوبیں ، آزاد جموں و کشمیر ??تے گلگت بلتستان دا تعاون کلیدی اے۔ وزیراعظم آکھیے گلگت بلتستان، خیبرپختونخوا سابق فاٹا دے ضم ضلعے تے بلوچستان دی ترقی اتے عوامی فلاح و بہبود تے ساݙی توجہ پوری طرح مرکوز اے، وفاقی حکومت گلگت بلتستان اچ شعبہ سیاحت دے ودھارے سانڳے اقدامات چیندی پئی اے ، انھاں آکھیے گلگت بلتستان دے شعبہ سیاحت اچ سرمایہ کاری سانڳے قطری سرمایہ کار دلچسپی ݙکھا چکئن ۔ اجلاس اچ وزیراعظم کوں گلگت بلتستان اچ جاری ترقیاتی منصوبیں تے ??یشرفت تے بریفنگ ݙتی ڳئی ۔ اجلاس اچ وفاقی وزیر ??رقی و منصوبہ بندی ڈاکٹر احسن اقبال، وفاقی وزیر ??طلاعات و نشریات عطاء اللہ تارڑ، وفاقی وزیر ??مور کشمیر و گلگت بلتستان امیر مقام، وفاقی وزیر ??علیم خالد مقبول صدیقی، گلگت بلتستان کابینہ دے ارکان اتے ??تعلقہ اداریں دے اعلیٰ افسر شریک ہن۔
