اسلام آباد۔23مئی (اے پی پی) د اطلاعاتو او خپرونو وفاقي وزيرې مريم اورنګزېب وئيلي دي چې د خبريالانو او د سياسي ګوندونو ترجمانانو ترمنځ بايد فرق وكړے شي٬ کوم خبريال چې په سياسي ګوندونو کښې شامل شي د خبريال د حقونو دعوی كولې نه شي۔ دې دا خبره برتانوي خبريال سکندر کرماني سره خپلو خبرو كښې وكړه۔ د اطلاعاتو وفاقي وزيرې ووئيل د كوم يو خبريال نامه دې واخستې شي چې زمونږ په حكومت كښې به دركه وي٬ يا په ګولۍ ويشتلې شوې وي٬ يا تښتولې شوې وي٬ يا د هغه پوښتۍ ماتې كړې شوي وي۔ د خبريال په پوښتنه دې ووئيل عمران رياض خبريال نه دے ٬ د سياسي ګوند ترجمان دے۔ كوم خبريال چې د سياسي ګوندونو ترجماني كوي ٬ يا تشدد سوا كوي نو هغه دې هغه نورو خبريالانو سره يو ځايې نه كړې شي كوم چې د صحافت په آزادۍ باور لري۔ د يوې پوښتنې په ځواب کښې وفاقي وزيرې ووئيل عمران خان ته د خپل دور په مهال د صحافت نړيوالې ادارې ميډيا پريډيټر خطاب وركړے او د شهباز شريف په دور كښې د پاكستان په ميډيا فريډم انډېكس كښې 7 درجې ښه والې رامخې ته شو۔ د عمران خان په دور كښې خبريالان ګرفتار كړې شول٬ د هغوي غږ يۍ بند كړو ٬ د هغوي روان پروګرامونه يۍ بند كړل٬ ټي وي چېنلز يۍ بند كړل او زمونږ په دور كښې ټولې چېنلې روانې دي۔ هر يو اېنكر ته آزادي ترلاسه ده٬ د چا آواز غلې كولې نه شي ٬ د كوم خبريال نوم واخله چې د هغه آواز بند كړے شوے وي۔ دې ووئيل چې څوك هم بې دركه كړې شوې دې مونږ يۍ غندنه كړې ده۔ د عمران رياض په ضد په عدالتونو كښې د كېسونو سماعت روان دے۔ دې ووئيل زمونږ حكومت د صحافت په آزادۍ باور لري ٬ په هېواد كښې د صحافت آزادۍ وده كړې او هم دا سبب دے چې په ميډيا انډېكس كښې د پاكستان درجه بندي ښه شوې ده
په خبريالانو او د سياسي ګوندونو ترجمانانو كښې به فرق كول وي٬ کوم خبريال چې په سياسي ګوندونو کښې شامل شي د خبريال د حقونو دعوی نه شي٬ كولې مريم اورنګزيب
مضمون کا ماخذ : پاور بال کا ٹکٹ
متعلقہ مضامین
